New Sinfonia: Gresford, Up From Underground
Mae’r opera Gresffordd, I’r Goleuni ‘Nawr, a enwebwyd am Wobr Academi Ivors, yn adroddiad dramatig o Drychineb Mwyngloddio Gresffordd – un o drychinebau mwyngloddio gwaethaf yn hanes y DU.
Wedi'i gomisiynu yn 2024 i nodi 90 mlynedd ers Trychineb Glofa Gresford a chymerodd bywydau 266 o bobl, pwrpas yr Opera yw gwarantu na fydd stori Gresford byth yn cael ei hanghofio. Yn 1934, dinistriodd y ffrwydrad gymuned leol Gresford a gadawodd greithiau emosiynol a chorfforol ar ardal gyfagos Wrecsam am genedlaethau.
Mae'r themâu a archwiliwyd yn yr opera yn atseinio cymaint nawr ag yr oeddent adeg y trychineb. Mae teimladau o anobaith, colled ac anghyfiawnder yn esblygu i deimladau o wydnwch, hyder, ac yn olaf adfywiad, rhinweddau y gellir eu gweld ym mhobl Wrecsam a chyn gymunedau glofaol ledled y DU.
“Ond dyma i chi ryfeddod, y syndod mwyaf oll:
bod hanes ein trychineb hyd heddiw dal ar goll.
Hanes ein anghyfiawnder ynghudd dan angof du.
Ceir cyfrol i bob camwedd – heblaw ein camwedd ni.”
Comisiynwyd Gresffordd, I'r Goleuni 'Nawr gan NEW Sinfonia a Gŵyl Gerdd Ryngwladol Gogledd Cymru. Cynhaliwyd y perfformiadau cyntaf yng Nghadeirlan Llanelwy ac Eglwys San Silyn, Wrecsam ym mis Medi 2024 i goffáu 90 mlynedd ers Trychineb Mwyngloddio Gresffordd. Mae'r cyfansoddiad a'r libreto wedi'u henwebu am Wobr Glasurol Academi Ivors am y Cyfansoddiad Cymuned a Chyfranogiad Gorau.
Mae'r adfywiad hwn o'r cynhyrchiad wedi'i ariannu gan Gyngor Celfyddydau Cymru, Cronfa Ffyniant a Rennir y DU, ac Ymddiriedolaeth Elusennol Colwinston.
Cyfansoddwr – Jon Guy
Libretydd – Grahame Davies
Cyfarwyddwr – Ruth Evans
Cyfarwyddwr Cerdd – Robert Guy
TOCYNNAU:
Talwch Beth Allwch Chi: £14, £16, £18*, £20, £22 (*Pris Safonol a Awgrymir)
Mae tocynnau ar gyfer llawer o’n sioeau a’n darllediadau byw ar werth ar sail talu beth bynnag allwch chi, sy’n golygu y cewch chi ddewis y pris gorau i’ch poced. Noddir tocynnau lefel isaf, tra mae’r pris uchaf yn rhoi ychydig bach ychwanegol i’r Neuadd Les, sy’n helpu ariannu ein gweithgareddau cymunedol.
Ar gyfer pob digwyddiad, fel canllaw, mae’r pris safonol a awgrymir wedi’i amlygu mewn print trwm.